انٹرنیشنل کرکٹ کونسل (آئی سی سی )کرکٹ ورلڈکپ کے شیڈول میں تبدیلی کا معاملہ پھر سر اٹھانے لگا، امکان ہے کہ ورلڈ کپ 2023 کے شیڈول میں ایک مرتبہ پھر تبدیلی ہو گی۔
آئی سی سی کرکٹ ورلڈ کپ 2023 کا شیڈول آئی سی سی اور بھارتی کرکٹ بورڈ کے لیے درد سر بن چکا ہے، حیدر آبادکرکٹ ایسوسی ایشن نے بھارتی کرکٹ بورڈ کو ایک بار پھر شیڈول میں تبدیلی کے بارے میں کہہ دیا گیا ہے۔
حیدر آباد کرکٹ ایسوسی ایشن نے بھی سیکیورٹی تحفظات کا اظہار کر دیا، ایسوسی ایشن کا کہنا ہے لگاتار 2 دن میچز کے انعقاد پر تحفظات ہیں۔
حیدر آباد کرکٹ ایسوسی ایشن نے کہا کہ معاملے پر بی سی سی آئی کو آگاہ کردیا ہے۔
واضح رہے کہ بھارتی شہر حیدرآباد میں 9 اکتوبر کو نیوزی لینڈ اور نیدر لینڈز کا میچ ہے، جبکہ 10 اکتوبر کو پاکستان اورسری لنکا کا میچ ری شیڈول ہے۔
یہ بھی یاد رہے کہ اس سے قبل پاکستان کے تین سمیت 9 میچز کے شیڈول میں تبدیلی ہوئی تھی۔
پاکستان سری لنکا کا میچ پہلے شیڈول کے مطابق 12 اکتوبر کو حیدر آباد میں ہونا تھاچونکہ پاکستان اور بھارت کا میچ احمد آباد میں اب 14 اکتوبر کو ہونا ہے جو پہلے 15 اکتوبر کو تھا اور پاک بھارت میچ نووارتری تہوار کی وجہ سے 1 روز پہلے کیا گیا تھا۔
پاکستان سری لنکا کامیچ پھر دو روز پہلے کیا گیا تھا پاکستان انگلینڈ کا میچ بھی کالی پوجا کی وجہ سے کولکتہ میں 12نومبر کی بجائے 11نومبر کو کیا جا چکا ہے۔
