لاہور : چیئرمین پی ٹی آئی عمران خان کی ممکنہ گرفتاری کے پیش نظر زمان پارک کے باہر پی ٹی آئی کے کارکنان کی آمد کا سلسلہ جاری ہے۔
تفصیلات کے مطابق انسداد دہشت گردی کی عدالت سے عبوری ضمانت کی درخواست خارج ہونے پر چیئرمین پی ٹی آئی عمران خان کی گرفتاری کا امکان ہے۔
عمران خان کی ممکنہ گرفتاری کے پیش نظر زمان پارک کے اطراف تحریک انصاف کے کارکنوں کی بڑی تعداد موجود ہے جبکہ مزید کارکنان پہنچ رہے ہیں۔
دوسری جانب پی ٹی آئی کے وائس چیئرمین شاہ محمود قریشی زمان پارک سے روانہ ہوگئے ہیں۔
پی ٹی آئی رہنما مسرت چیمہ کا کہنا ہے کہ اسلام آبادپولیس میں ہمت ہےتو وہ عمران خان کوگرفتار کرے ، جتنایہ عدالتی احکامات کی پیروی کرتےہیں قوم جانتی ہے۔
یاد رہے انسداددہشت گردی عدالت نے الیکشن کمیشن کے باہر احتجاج کے کیس میں پی ٹی آئی چیئرمین عمران خان کی عبوری ضمانت عدم پیشی پر خارج کردی تھی۔
