اسلام آباد : صدارتی الیکشن کیلئے 3آزادامیدواروں کے بھی کاغذات نامزدگی جمع کرادیے ، جن میں اصغرعلی مبارک،عبدالقدوس اور وحیداحمدکمال شامل ہیں۔
تفصیلات کے مطابق صدارتی الیکشن کیلئے 3 آزاد امیدواروں کے بھی کاغذات نامزدگی جمع کرا دیئے گئے۔
آزادامیدواراصغرعلی مبارک،عبدالقدوس اور وحیداحمدکمال نےکاغذات نامزدگی جمع کرائے۔
صدارتی الیکشن کے لئے کاغذات نامزدگی جمع کرنے کا آج آخری دن ہے، صدارتی الیکشن کیلئے کے پی سے اب تک کسی نے کاغذات جمع نہیں کیے۔
کےپی کیلئے چیف جسٹس پشاور ہائیکورٹ پریزائیڈنگ آفیسرتعینات کیے گئے تھے۔
خیال رہے صدارتی الیکشن 9 مارچ کو ہوگا، کاغذات نامزدگی آج دن 12 بجے تک جمع کرائے جا سکیں گے۔
کاغذاتِ نامزدگی کی جانچ پڑتال 4 مارچ کو ریٹرننگ آفیسر صبح 10 بجے کریں گے، کاغذات نامزدگی 5 مارچ دوپہر 12 بجے تک واپس لیے جا سکیں گے، صدارت کے امیدواروں کی فہرست 5 مارچ کو ہی آویزاں کی جائے گی اور دست بردار ہونے کی تاریخ 6 مارچ ہوگی۔
صدارتی انتخاب کے لیے پولنگ صبح دس سے شام پانچ بجے تک پارلیمنٹ ہاؤس اور چاروں صوبائی اسمبلیوں میں ہوگی۔
