اسلام آباد : پراسیکیوٹر جنرل نیب جسٹس(ر)سید اصغر حیدر نے استعفیٰ دے دیا ، سید اصغرکی مدت ملازمت مارچ 2024 میں مکمل ہونا تھی۔
تفصیلات کے مطابق پراسیکیوٹر جنرل نیب جسٹس(ر)سید اصغر حیدر نے استعفیٰ دے دیا اور اپنا استعفیٰ چیئرمین نیب کو ارسال کردیا۔
ذرائع نے بتایا کہ پراسیکیوٹر جنرل نیب نے ذاتی مصروفیات کی وجہ سے استعفی دیا، ان کی مدت ملازمت مارچ 2024 میں مکمل ہونا تھی، فروری 2021میں پی ٹی آئی حکومت نےسید اصغر حیدرکو 3 سال کی توسیع دی تھی۔
190 ملین پاونڈ اسکینڈل کی تحقیقات مکمل ہوچکیں اور رواں ماہ ریفرنس دائر ہونا تھا تاہم پراسیکیوٹر جنرل کی منظوری کے بغیر نیب عدالت میں ریفرنس دائر نہیں کرسکتا۔
پراسیکیوٹر جنرل نیب کے بغیر ایگزیکٹو بورڈ کا اجلاس اورکیسز کی منظوری بھی لٹک گئی جبکہ نیب ترمیمی قانون آنے کے بعد مقدمات کی بحالی کیلئے بھی پراسیکیوٹر جنرل کی منظوری لازم ہے۔
