وفاقی وزیر اطلاعات عطا تاڑر نے کہا ہے کہ آّج ثابت ہوا کہ عوام نے پی ٹی آئی کے بیانیے کو مسترد کردیا ہے۔
تفصیلات کے مطابق عطا تارڑ کا کہنا تھا کہ عوام نے بانی پی ٹی آئی کی جھوٹ اور نفرت کی سیاست کو مسترد کردیا۔ پی ٹی آئی ووٹرز آج باہر نہیں نکلے وہ مایوسی کا شکار ہوچکے ہیں۔ جیل سے بیٹھ کر ریاست مخالف بیانیہ بنایا جارہا ہے۔
انھوں نے کہا کہ عوام نے ضمنی الیکشن میں مسلم لیگ ن پر اعتماد کا اظہار کیا ہے۔ ضمنی الیکشن میں مسلم لیگ ن کو واضح برتری حاصل ہے۔
- Advertisement -
عطا تارڑ نے کہا کہ حکومت نے سنجیدگی کے ساتھ معاشی مسائل کے حل کیلئے اقدامات کیے، عوام نے معیشت سے متعلق حکومتی اقدامات پر اعتماد کا اظہار کیا ہے۔
عطا تارڑ نے کہا کہ ملک کے حالات کو بہتر کرکے عوام کے اعتماد پر پورا اتریں گے۔ عوام نے پاکستان تحریک انصاف کی نفرت اور جھوٹ کی سیاست کو مسترد کردیا ہے۔
