The news is by your side.

Advertisement

لاہور قلندرز کا ملتان سلطانز کیخلاف ٹاس جیت کر فیلڈنگ کا فیصلہ

لاہور : پی ایس ایل فائیو کے میچ میں ہونے والا ٹاس لاہور قلندرز نے جیت لیا، کپتان سہیل اختر نے ملتان سلطان کو بیٹنگ کی دعوت دے کر فیلڈنگ کا فیصلہ کیا ہے۔

تفصیلات کے مطابق لاہور کے قذافی اسٹیڈیم میں کھیلے جانے والے پی ایس ایل کے میچ میں لاہور قلندرز نے ملتان سلطانز کے خلاف ٹاس جیت کر فیلڈنگ کا فیصلہ کیا ہے۔

اس موقع پر میڈیا سے گفتگو کرتے ہوئے ملتان سلطانز کے کپتان شان مسعود نے کہا کہ لاہورقلندرز کیخلاف میچ میں تین تبدیلیاں کی گئی ہیں۔ انہوں نے کہا کہ  آج کے میچ میں عمران طاہر، شاہد آفریدی اور سہیل تنویر کو آرام دیا گیا ہے، جیت کا تسلسل برقرار رکھنے کی کوشش کریں گے۔

کپتان لاہور قلندرز سہیل اختر کا کہنا تھا کہ لاہور قلندرز کی ٹیم میں ایک تبدیلی کی گئی ہے، ہدف کے تعاقب میں ریکارڈ اچھا ہے، کوشش ہوگی کہ ملتان سلطانز کو کم سے کم اسکور پر روکیں۔

لاہور قلندرز کی ٹیم

لاہور قلندرز کے اسکواڈ میں کپتان سہیل اختر ، دلبر حسین ، بین ڈنک ، فخر زمان ، حار ث روف ، جاہد علی ، کرس لین ،محمد حفیظ ، محمد فیضان ، سمت پٹیل ، راجہ فرزان ، سلمان بٹ ، شاہین آفریدی ، عثمان شنواری ، ڈین ویلاس، ڈیوڈ وائس ،پراسانا شامل ہیں۔

ملتان سلطانز کی ٹیم

ملتان سلطانز کے سکواڈ میں کپتان شان مسعود، موئن علی ، اسد شفیق ، فابین ایلن ، بلاول بھٹی ، روی بوپارہ ، عمران طاہر، جنید خان ، خوشدل خان ، وین میڈسن ، محمد الیاس ، محمد عرفان ، روحیل نذیر ، ریلی رسووو، شاہد آفریدی ، سہیل تنویر ، عثمان قدیر ، جیمز وینس، ذیشان اشرف شامل ہیں۔

fb-share-icon0
Tweet 20

Comments

comments

یہ بھی پڑھیں