لاہور قلندرز کے فاسٹ بولر حارث رؤف کراچی کنگز کیخلاف میچ میں انجری کے باعث پی ایس ایل سے باہر ہوگئے۔
گزشتہ روز قذافی اسٹیڈیم لاہور میں کھیلے گئے میچ میں لاہور قلندرز کے فاسٹ بولر حارث رؤف میچ کے اختتام لمحات میں کراچی کنگز کے بیٹر حسن علی کا کیچ لینے کے دوران کندھے کے بَل گر کر زخمی ہوگئے تھے۔
جس کے بعد انہیں فوری طبی امداد فراہم کیا گیا اور وہ گراؤنڈ سے باہر چلے گئے جبکہ سی ٹی اسکین بھی کروایا گیا تھا۔
تاہم اب لاہور قلندرز کے آفیشل ویب سائٹ پر بتایا گیا کہ فاسٹ بولر حارث روف پی ایس ایل سے باہر ہوگئے وہ پی ایس ایل کے بقیہ میچز میں دستیاب نہیں ہوں گے۔
لاہور قلندرز کے مطابق ڈاکٹرز نے فاسٹ بولر حارث روف کو 4 سے 6 ہفتوں کا آرام کا مشورہ دیا ہے، اس ضمن میں لاہور قلندرز کے کپتان شاہین شاہ آفریدی نے کہا کہ افسوس ہے کہ حارث روف ایونٹ سے باہر ہوگئے۔
قبل ازیں ملتان سلطانز کے انگلش فاسٹ بولر اولی اسٹون کمر کے دائیں حصے میں انجری کے باعث رواں پی ایس ایل ایڈیشن سے باہر ہوگئے تھے۔
