لاہور: چیئرمین پاکستان تحریک انصاف (پی ٹی آئی) عمران خان نے ٹوئٹ میں کہا کہ یہ مناظر زندگی بھر میرے ساتھ رہیں گے۔
سابق وزیر اعظم عمران خان توشہ خانہ کیس میں پیشی کے لیے زمان پارک لاہور سے اسلام آباد روانہ ہوگئے، عمران خان قافلے کی شکل میں براستہ موٹروے اسلام آباد پہنچیں گے۔
پی ٹی آئی کے چیئرمین عمران خان نے سماجی رابطے کی ویب سائٹ ٹوئٹ پر قافلے میں موجود کارکنان کے نام ایک پیغام جاری کیا ہے۔
یہ مناظر زندگی بھر میرے ساتھ رہیں گے۔ آنسو گیس کے (تکلیف دہ) اثرات زائل کرنے کیلئے سر پر پانی انڈیلتے اور دیوانہ وار جھومتے ہوئے بلند کی جانےوالی آزادی کی یہ والہانہ اور پرجوش صدائیں! ماشاءاللہ ایک قوم بالآخر بیدار ہو رہی اور آزادی مانگ رہی ہے۔ pic.twitter.com/IeTmvvN9cN
— Imran Khan (@ImranKhanPTI) March 18, 2023
عمران خان نے لکھا کہ آنسوگیس کے تکلیف دہ اثرات زائل کرنے کیلئے سر پر پانی انڈیلتے اور جھومتے ہوئے کارکنان کے یہ مناظر زندگی بھر میرے ساتھ رہیں گے۔
سابق وزیر اعظم کا کہنا تھا کہ بلند کی جانے والی آزادی کی یہ والہانہ اور پرجوش صدائیں، ماشاءاللہ قوم بالآخر بیدار ہو رہی اور آزادی مانگ رہی ہے۔
