پی ٹی آئی کور کمیٹی نے ووٹ کے ذریعے عوام کے فیصلے کے مکمل احترام کا مطالبہ کردیا۔
اے آر وائی نیوز کے مطابق پی ٹی آئی کی کور کمیٹی کا اجلاس ہوا جس میں حکومت سازی کی حکمت عملی پر تبادلہ خیال کیا گیا۔
حکومت سازی کے لیے ارکان قومی اسمبلی سے راوبط کی ذمہ داری بیرسٹر عمر نیازی کے سپرد کی گئی جبکہ علی امین گنڈا پور خیبرپختونخوا میں نومنتخب ارکان سے روابط کا فریضہ سرانجام دیں گے۔
- Advertisement -
میاں اسلم اقبال پنجاب میں نو منتخب ارکان سے روابط کا فریضہ سر انجام دیں گے۔
پی ٹی آئی کور کمیٹی نے انتخابات پر عالمی سطح پر پیدا ردعمل کو فطری اور قابل فہم قرار دیا گیا ہے۔
کور کمیٹی کا کہنا ہے کہ دفتر خارجہ کی پریس ریلیز سے تدارک کی کوشش مضحکہ خیز ہے، دستور و قانون کے احترام کو ملحوط خاطر رکھ کر ہی انتخابات کو موثر بنایا جاسکتا ہے۔
