پشاور: ترجمان پی ٹی آئی نے کہا ہے کہ الیکشن کمیشن شفاف انتخابات کرانے میں مخلص نہیں، الیکشن کمیشن آلہ کار بنا ہوا ہے۔
تفصیلات کے مطابق پاکستان تحریک انصاف کے ترجمان کا کہنا ہے کہ بار کونسل کی قرارداد الیکشن کمیشن پر عدم اعتمادکا اظہار ہے۔ ملک میں شفاف انتخابات کرانے کے لیے الیکشن کمیشن مخلص نظر نہیں آتا۔
معظم بٹ ایڈووکیٹ نے کہا کہ الیکشن کمیشن مخصوص جماعت کا آلہ کار بنا ہوا ہے۔ وفاقی اور صوبائی حکومتیں ماورائے آئین اقدامات کررہی ہیں۔
- Advertisement -
ترجمان پی ٹی آئی نے سوال کیا کہ الیکشن کمیشن عدلیہ کی زیرنگرانی انتخابات سے کیوں گریزاں ہے؟ تحریک انصاف الیکشن کا بائیکاٹ نہیں کرے گی۔
معظم بٹ نے مزید کہا کہ چیف جسٹس پاکستان معاملے کی سنگینی کا احساس کریں۔ شفاف اور غیرجانبدار انتخابات جوڈیشری کی نگرانی میں ہی ممکن ہیں۔
