لاہور : تحریک انصاف کے اہم رہنماؤں نے عمران خان کو بیک وقت 2 کے بجائے کا مرحلہ وار اسمبلیوں کی تحلیل کا مشورہ دے دیا۔
تفصیلات کے مطابق چیئرمین تحریک انصاف عمران خان کی اسمبلیوں کی تحلیل پر مشاورت جاری ہے ، رواں ہفتے بھی عمران خان ارکان اسمبلی سے اسمبلیوں کی تحلیل پر رائے لیں گے۔
ذرائع کا کہنا ہے کہ اہم رہنماؤں نے عمران خان کو بیک وقت 2 کے بجائے مرحلہ وار اسمبلیوں کی تحلیل کا مشورہ دے دیا۔
ذرائع نے کہا ہے کہ اکثریت نے پہلے پنجاب اسمبلی تحلیل کرنے کی رائے دے دی، رہنماؤں کا کہنا ہے کہ پنجاب اسمبلی تحلیل کرکے وفاقی حکومت کے ردعمل کا انتظار کیا جائے۔
پی ٹی آئی ارکان نے رائے دی ہے کہ سیاسی اعتبار سے ہماری ایک صوبے میں حکومت ہر صورت رہنی چاہیے، وفاق کے ردعمل پر جوابی سیاسی حکمت عملی سامنے لائے۔
ارکان کا کہنا ہے کہ خیبرپختونخوا اسمبلی کو اگلے مرحلے میں تحلیل کیا جائے،ارکان کی رائے ،اہم رہنماؤں کی رائے پر عمران خاں نے مزید مشاورت کا فیصلہ کرلیا ہے۔
