فیصل آباد سے منتخب ایم پی اے عمر فاروق نے کہا ہے کہ ہمیں پیسوں کی آفر اور دھمکیاں دے کر ن لیگ کو ٹکٹ دینے کا کہا جا رہا ہے۔
اے آر وائی نیوز کے مطابق پاکستان تحریک انصاف کے فیصل آباد سے منتخب رکن پنجاب اسمبلی عمر فاروق نے سماجی رابطوں کی ویب سائٹ ٹوئٹر پر ٹوئٹ کیا ہے جس میں انہوں نے وزارت اعلیٰ کے الیکشن میں ن لیگ کے حمزہ شہباز کو ووٹ دینے کیلیے دباؤ ڈالے جانے کا انکشاف کیا ہے۔
عمر فاروق نے کہا ہے کہ وہ 2018 میں آزاد حیثیت سے کامیاب ہو کر پی ٹی آئی میں شامل ہوئے۔ انہیں کل سے مختلف ذرائع سے بار بار فون کالز آرہی ہیں جس میں پیسوں خی آفر دے کر انہیں ن لیگ کے امیدوار کو ووٹ دینے کا کہا جارہا ہے۔
میں 2018 میں آزاد حیثیت سے تحریک انصاف میں شامل ہوا – کل سے مختلف ذرائع سے بار بار کالز آرہی ہیں اور آفر کی گئی ہے 22 جولائی میں ووٹ دو –
میں اپنے لیڈر عمران خان کے ساتھ کھڑا ہو انشاءاللہ میرا ووٹ انشاءاللہ پرویز الہی کو ہوگا— Umar Farooq Mushtaq (@Umar_Farooqpti) July 20, 2022
پی ٹی آئی ایم پی اے نے کہا کہ میں اپنے لیڈر عمران خان کیساتھ ہوں اور 22 جولائی کو پرویزالٰہی کو ووٹ دونگا۔ اس دن ہم ثابت کردیں گے کہ پنجاب عمران خان کا ہے۔
عمر فاروق نے اپنا ویڈیو پیغام بھی ٹوئٹر پر شیئر کیا ہے جس میں انہوں نے کہا ہے کہ پنجاب کی موجودہ صورتحال میں بیرونی طاقتوں کے حکم پر مجھے واٹس ایپ پر پیغامات بھیجے جارہے ہیں۔ بیرونی نمبروں اور تنظیم کی جانب سے پیغامات موصول ہورہے ہیں میری فیملی کے حوالے سے دھمکیاں دی جارہی ہیں۔
موجودہ پنجاب کی صورتحال بیرونی طاقتوں کے حکم پر مجھےواٹس اپ پر پیغامات بھیجیں جارہے ہیں مجھے دھمکی دی جارہی ہیں کہ 22جولائی کو ووٹ دو-
بیرونی نمبرز اور تنظیم کی طرف سے پیغامات موصول ہورہے ہیں میرے فیملی کے حوالے سے دھمکیاں دی جارہی ہیں @ImranKhanPTI pic.twitter.com/i2SNZGFwhi
— Umar Farooq Mushtaq (@Umar_Farooqpti) July 20, 2022
واضح رہے کہ پاکستان تحریک انصاف کے رہنما فواد چوہدری نے بھی کہا ہے کہ پنجاب میں شیطانی کھیل شروع ہوگیا ہے اور ایم پی ایز کو 40/40 کروڑ روپے دیکر خریدا جارہا ہے۔
پریس کانفرنس میں فواد چوہدری کا کہنا تھا کہ ہمارے ایک ایم پی اے مسعود مجید کو زرداری نے 40 کروڑ روپے دے کر ترکی پہنچا دیا ہے۔
