ملتان: پی ٹی آئی جنوبی پنجاب کے صدر سینیٹر عون عباس بپی نے کہا ہے کہ شروع میں جیل بھرو تحریک میں روزانہ 200 افراد کی گرفتاری دینگے اور تعداد بڑھتی جائیگی۔
تفصیلات کے مطابق پی ٹی آئی جنوبی پنجاب کے صدر سینیٹر عون عباس بپی نے میڈیا سے گفتگو کرتے ہوئے کہا کہ عامر ڈوگر کیساتھ ناروا سلوک رکھا گیا ہے۔
عون عباس بپی کا کہنا تھا کہ ہم تو آئے ہیں سنے کہ آخر کیس کیا ہے، لیکن مجھے عدالت کے اندر جانے نہیں دیا گیا۔
انہوں نے کہا کہ تحریک انصاف کے کارکنان کو پکڑا جاتا ہے تو پھر احتجاج کرنا ہمارا حق ہے، :پی ٹی آئی کے 100 سے زائدکارکنان پکڑے گئے ہیں اور ن لیگ کے لوگ تو تھانے میں چائے پی رہے ہیں۔
عون عباس بپی کا کہنا تھا کہ جیل بھرو تحریک میں روزانہ 200 افراد کی گرفتاری دینگے اس کے بعد تعداد بڑھتی جائیگی، ہمارے پاس ایک ہزار سے زیادہ کارکنان رضا کارانہ طور پر اپنے نام درج کرائے ہیں۔
