شانگلہ : سینئرسول جج ٹرائل کورٹ نے عدم پیشی پر شوکت یوسفزئی کو اشتہاری قرار دے دیا، ان کیخلاف 21 نومبر کو تھانہ کروڑہ میں مقدمہ درج کیا گیا تھا۔
تفصیلات کے مطابق سینئرسول جج ٹرائل کورٹ نے شوکت یوسفزئی کو اشتہاری قرار دے دیا، سینئرسول جج ٹرائل کورٹ نےعدم پیشی پر شوکت یوسفزئی کو اشتہاری قرار دیا۔
پولیس نے کہا کہ شوکت یوسفزئی کیخلاف 21 نومبر کو تھانہ کروڑہ میں مقدمہ درج کیا گیا، ان کیخلاف مختلف دفعات کے تحت ایف آئی آر درج ہے۔
حکام کا کہنا تھا کہ پولیس کی جانب سے عدالت میں چالان جمع کروا یا گیا تھا ،شوکت یوسفزئی کئی روز سےروپوش اور گرفتاری کیلئےپر چھاپے مارے، عدالت نے شوکت یوسفزئی کو گرفتارکرکے 30دن میں پیش کرنے کا حکم دیا۔
یاد رہے گذشتہ ماہ سابق وزیر خیبر پختون خوا شوکت یوسفزئی کو پشاور ایئر پورٹ پر آف لوڈ کر دیا گیا تھا۔
شوکت یوسفزئی عمرہ ادائیگی کے لیے جارہے تھے کہ انھیں باچاخان ایئرپورٹ پر روک لیا گیاتھا ، بعد ازاں اپنے ویڈیو پیغام میں شوکت یوسف زئی کا کہنا تھا کہ ایف آئی اے اور دیگر اداروں نے کلیئر کر دیا مگر پھر آف لوڈ کر دیا گیا۔
