کویت میں باضابطہ طور پر اعلان کردیا گیا ہے کہ اسراء اور معراج کی تعطیل 8 فروری بروز جمعرات کو ہوگی۔ اہم بات یہ ہے کہ تعطیل کو کسی اور دن کے لیے ری شیڈول نہیں کیا جائے گا۔اس دن وزارتوں، اداروں اور نجی شعبوں میں عام تعطیل ہوگی۔
بین الاقوامی خبر رساں ادارے کی رپورٹ کے مطابق اگر اسراء اور معراج کی تعطیلات لگاتار دو کام کے دنوں (ورکنگ ڈ یز) کے ساتھ مطابقت رکھتی ہیں تو تعطیلات خود بخود تین دن تک اضافہ ہوجائے گا، نتیجتاً، اس سال، چھٹی جمعرات، 8 فروری، سے 10 فروری بروز ہفتہ تک رہے گی۔
ذرائع کا کہنا ہے کہ کویت کے قومی دن اور یوم آزادی کی تعطیلات اتوار اور سوموار، 25 اور 26 فروری کے لیے مختص کی گئی ہیں۔ گزشتہ جمعہ اور ہفتہ، فروری 23 اور 24 کو مدنظر رکھتے ہوئے، تعطیل کی مجموعی مدت چار دن تک بڑھ جائے گی۔
واضح رہے کہ کویت کی سول سروس کمیشن نئے سال 2024 کے لیے بھی عام تعطیلات کا اعلان کر دیا ہے، یہ وضاحت کرتے ہوئے کہ پیر یکم جنوری 2024 کو نئے سال کی ایک عام تعطیل ہو گی۔
سعودی عرب نے کس کے لیے نئی ٹیکس مراعات کا اعلان کیا؟
چونکہ اتوار کا دن 31 دسمبر 2023 چھٹی کے دو دنوں (جمعہ اور ہفتہ) کے درمیان ہوگا، لہٰذا اتوار 31 دسمبر کو آرام کا دن تصور کیا جائے گا اور اس طرح نئے عیسوی سال کی 4 چھٹیاں ہوجائیں گی، سرکاری اوقات کار اگلے دن، 2 جنوری بروز منگل 2024 کو دوبارہ شروع ہوجائیں گے۔
