لاہور : پنجاب میں کلاس ون سے نیچے نرسری و پلے گروپ کی کلاسز کے لئے 7 روز کی تعطیلات کا اعلان کردیا گیا۔
تفصیلات کے مطابق وزیراعلی محسن نقوی نے پنجاب میں بچوں میں نمونیا کے کیسوں میں اضافے پر تشویش کا اظہار کیا، پنجاب میں یکم جنوری سے 36 بچے نمونیا سے جاں بحق ہوئے جبکہ چلڈرن ہسپتال میں 10 میں سے 8 بچے نموینہ کے مریض ہیں۔
اس سلسلے میں وزیر اعلی محسن نقوی نے چلڈرن ہسپتال کا ہنگامی دورہ کیا اور اعلی سطح کی صدارت کی، اجلاس میں لاہور کے تمام ہسپتالوں کے پیڈز ہیڈز نے شرکت کی۔
اجلاس میں نموینہ سے بچاو اور احتیاطی تدابیر کے بارے طویل مشاورت کے بعد اہم فیصلے کئے گئے، جس کے تحت پنجاب بھر کے سکولوں میں 31 جنوری تک صبح کی اسمبلی پر پابندی عائد کردی گئی۔
کلاس ون سے نیچے نرسری و پلے گروپ کی کلاسز کے لئے 7 روز کی تعطیلات کا اعلان کیا گیا ، محسن نقوی نے کہا کہ بچے ماسک کا استعمال کریں، ہاتھ دھوئیں اور گرم کپڑوں کا استعمال کیا جائے۔
ماہرین صحت نے بتایا کہ سردی میں اضافہ کے ساتھ وائرل نموینہ خصوصا بچوں میں مرض بڑھ رہا ہے۔
صوبائی وزیر تعلیم منصور قادر۔ سیکرٹری صحت۔ سپیشل سیکرٹری صحت اور ماہرین صحت و سینر ڈاکٹرز نے تجاویز دیں۔
