لاہور: نگراں وزیر اعلیٰ کی ہدایت پر صوبہ پنجاب میں مفید مادہ جانور کو ذبح کرنے پر پابندی عائد کر دی گئی۔
تفصیلات کے مطابق محکمہ لائیو اسٹاک نے مفید مادہ جانور کو ذبح کرنے پر پابندی عائد کر دی ہے، اس پابندی کا اطلاق پنجاب کے تمام اضلاع میں ہوگا۔
پنجاب میں لائیو اسٹاک سیکٹر کی پیداوار میں اضافے کے لیے ایمرجنسی لگانے کا فیصلہ کیا گیا ہے، نگراں وزیر اعلیٰ محسن نقوی نے کہا کہ پنجاب میں جانوروں کے بیماریوں سے پاک زون قائم کیے جائیں گے۔
- Advertisement -
وزیر اعلیٰ نے لائیو اسٹاک کی پیداوار اور ایکسپورٹ بڑھانے کے لیے 4 روز میں حتمی پلان بھی طلب کر لیا ہے، اس سلسلے میں ایک کمیٹی بھی تشکیل دی گئی ہے جو صوبائی وزیر لائیو اسٹاک، ایڈیشنل چیف سیکریٹری اور دیگر پر مشتمل ہے۔
