سائبیریا: روسی صدر ولادیمیر پیوٹن نے ہیلی کاپٹر اڑا کر ایک اور صلاحیت کا مظاہرہ کر کے دکھایا۔
تفصیلات کے مطابق روسی صدر ولادیمیر پیوٹن صرف سیاست کے ہی نہیں کئی دیگر شعبوں کے بھی ماہر کھلاڑی ہیں، اور آئے دن اُن کے نت نئے ایڈونچرز میڈیا میں خبروں کی زینت بنتے رہتے ہیں۔
روسی صدر کا ایک اور نیا روپ اس وقت دیکھنے کو ملا جب وہ مزے سے ہیلی کاپٹر اڑاتے رہے، کو پائلٹ سے ہدایات لیتے ہوئے پیوٹن ہوا بازی کے میدان میں بھی اپنی صلاحیتوں کے جوہر دکھاتے نظر آئے۔
یہ کارنامہ انھوں نے سائبیریا میں موجود ہیلی کاپٹر فیکٹری کے دورے کے موقع پر دکھایا۔
فیکٹری دورے کے موقع پر روسی صدر پیوٹن نے کہا کہ مغربی پابندیاں روسی معیشت کو تباہ کرنے میں مکمل ناکام رہی ہیں۔
🇷🇺 President Flies Mi-171A2 Helicopter Simulator
Vladimir Putin has been trying out the latest multi-purpose, heavy-duty model of the chopper at an aviation factory in Ulan-Ude.
. pic.twitter.com/QPgXmaIrae— ≡ 洒 脱 ≡ (@shadatsu888) March 15, 2023
پیوٹن نے ہوا بازی کے کارخانے میں خطاب کرتے ہوئے کہا کہ مخالفین سمجھتے رہے کہ روسی معیشت چند ہفتوں یا مہینوں میں ختم ہو جائے گی، لیکن روس کی معاشی خود مختاری میں کئی گناہ اضافہ ہو گیا۔
دوسری جانب شام کے صدر بشارالاسد اپنے پہلے سرکاری دورے پر روس پہنچ گئے۔
