پشاور : دس مئی کو ہونے والے دلخراش واقعے کے بعد پشاور کے مختلف اسکولوں کے بچوں نے ریڈیو پاکستان پشاور کا دورہ کیا۔
اس موقع پر بچوں کو ریڈیو پاکستان میں 10مئی کو ہونے والے افسوسناک واقعے سے متعلق بتایا گیا کہ احتجاج کی آڑ میں شرپسند کارکنوں نے ریڈیو پاکستان کی عمارت کا گھیراؤ کیا اور اسے نقصان پہنچایا۔
بچوں نے ریڈیو پاکستان کی عمارت کے مختلف جلے ہوئے حصوں کا دورہ کیا، اساتذہ اور بچوں نے سرکاری وغیر سرکاری املاک کو نقصان پہنچانے پر احتجاج بھی کیا۔
انہوں نے ریڈیو پاکستان کی نشریات کی دوبارہ بحالی پر افواج پاکستان کا شکریہ ادا کیا، سیاسی مظاہروں میں سرکاری املاک کونقصان پہنچانا کسی طور قابل قبول نہیں ہوسکتا۔
اساتذہ اور طلباء نے کاوشوں کو سراہتے ہوئے کہا کہ ریڈیو پاکستان نے ہمیشہ مثبت کردار ادا کیا، واضح رہے کہ سول سوسائٹی کی درخواست پر ریڈیو پاکستان پشاور عوام کیلئے پیر سے جمعہ تک کھول دیا گیا ہے۔
