سعودی ٹینس فیڈریشن نے عالمی شہرت یافتہ ٹینس اسٹار رافیل نڈال کو اپنا سفیر مقرر کردیا۔
سعودی ٹینس فیڈریشن کے مطابق رافیل نڈال کی تقرری کا مقصد سعودی عرب میں ٹینس کو فروغ دینا اور سعودی نوجوانوں کو ٹینس کی طرف راغب کرنا ہے۔
رپورٹ کے مطابق سعودی میں رافیل نڈال اکیڈمی بھی بنائی جائے گی جہاں نوجوان کھلاڑیوں کو تربیت دی جائے گی۔
- Advertisement -
واضح رہے کہ دنیا کے عظیم ٹینس اسٹار رافیل نڈال کو ٹینس کا ’کلنگ آف کلے‘ بھی کہا جاتا ہے، رافیل ان مایہ ناز کھلاڑیوں میں سے ایک ہیں جنہوں نے چاروں گرینڈ سلیم، فرنچ اوپن، ملبڈن اوپن اور یو ایس اوپن کا ٹائٹل جیتا ہے۔
