رحیم یار خان: صوبہ پنجاب کے شہر رحیم یار خان میں ایک تیز رفتار کار سڑک کنارے کھڑے ٹرالر سے ٹکرا گئی جس کے نتیجے میں ایک ہی فیملی کے 3 افراد جاں بحق ہو گئے۔
تفصیلات کے مطابق رحیم یار خان میں موٹر وے ایم فائیو پر ترنڈہ محمد پناہ انٹرچینج کے قریب ٹریفک حادثے میں تین افراد جاں بحق، جب کہ 5 زخمی ہو گئے ہیں۔
موٹر وے پولیس کا کہنا ہے کہ تیز رفتار کار سڑک کے کنارے کھڑے ٹرالر سے ٹکرا گئی تھی، حادثے کی شکار فیملی سکھر سے ایم فائیو کے ذریعے ملتان جا رہی تھی۔
- Advertisement -
موٹر وے پولیس کے مطابق حادثہ تیز رفتاری اور غفلت کے باعث پیش آیا، ریسکیو ذرائع کا کہنا ہے کہ لاشیں اور زخمی قریبی اسپتال منتقل کیے گئے ہیں، زخمیوں میں سے 2 کی حالت تشویش ناک بتائی جا رہی ہے۔