نئی دہلی : خاتون کانسٹیبل نے حاضر دماغی کا مظاہرہ کرتے ہوئے خودکشی کے لیے آنے والے شخص کو مرنے سے بچالیا۔
ٹرین کے آگے آکر پٹری پر لیٹے ہوئے خودکشی کرنے والے شخص کو چند لمحات قبل خاتون کانسٹیبل نے فوری طور وہاں سے کھینچ کر اٹھالیا۔
سوشل میڈیا پر وائرل ہونے والی ویڈیو پر صارفین خاتون اہلکار کی ہمت اور فرض شناسی کی داد تو دے رہے ہیں ساتھ ہی اس شخص کے اقدام خودکشی پر بھی افسوس کا اظہار کررہے ہیں۔
یہ واقعہ بھارت کے شہر پوروا میڈینی پور ریلوے اسٹیشن پر پیش آیا، جس کا سارا منظر سیکیورٹی کیمرے میں محفوظ ہوگیا اس فوٹیج کو آر پی ایف انڈیا کے آفیشل ٹوئٹر ہینڈل پر شیئر کیا گیا ہے۔
#RPF Lady Constable K Sumathi fearlessly pulled a person off the track, moments before a speeding train passes by at Purwa Medinipur railway station.
Kudus to her commitment towards #passengersafety.#MissionJeevanRaksha #FearlessProtector pic.twitter.com/yEdrEb48Tg
— RPF INDIA (@RPF_INDIA) June 8, 2023
ویڈیو میں دیکھا جاسکتا ہے کہ ایک شخص پلیٹ فام پر کھڑا ٹرین کا انتظار کررہا ہے جب اس نے دیکھا کہ ایک ٹرین کچھ ہی دیر میں وہاں پہنچنے والی ہے تو وہ شخص پانی زندگی کا خاتمہ کرنے کی غرض سے پٹری پر جاکر لیٹ گیا۔
ڈیوٹی پر موجود لیڈی کانسٹیبل اسے دیکھتے ہی فوری طور نیچے اتری اور پٹری پر لیٹے ہوئے شخص کو وہاں سے ہٹایا اور چند ہی سیکنڈ بعد ایک تیز رفتار ٹرین وہاں سے گزری۔
پولیس کی بہادر اہلکار کے دلیرانہ عمل کو صارفین کی جانب سے خوب سراہا گیا اور خود کشی کرنے والے شخص کیلئے افسوس کا اظہار کیا گیا۔