بھارتی معروف اداکارہ و فٹنس ماہر شلپا شیٹی کے شوہر، معروف تاجر راج کندرا ایک بار پھر بڑی مشکل میں پھنس گئے ہیں۔
بھارتی میڈیا کے مطابق شلپا شیٹی کے شوہر راج کندرا کی تقریباً 100 کروڑ مالیت کی جائیداد ضبط کر لی گئی ہے، یہ جائیداد راج کندرا کے ’بٹ کوائن پونزی اسکیم ‘ میں ملوث پائے جانے کے شبے میں ضبط کی گئی ہے۔
بھارتی میڈیا کے مطابق 100 کروڑ کی جائیداد میں جوہو میں واقع ایک رہائشی فلیٹ بھی شامل ہے جو فی الحال اداکارہ شلپا شیٹی کے نام پر رجسٹرڈ ہے جبکہ پونے میں ایک رہائشی بنگلہ، اور راج کندرا کی ملکیت میں ایکویٹی شیئرز شامل ہیں۔
انفورسمنٹ ڈائریکٹوریٹ (ای ڈی) نے بِٹ کوائن پونزی فراڈ سے جڑی جانچ پڑتال کے دوران راج کندرا کی جائیداد ضبط کی ہے۔
واضح رہے کہ ’پونزی اسکیم‘ ایک دھوکا دہی کا کھلا پلیٹ فارم ہے جہاں سرمایہ کاروں کو کم یا بغیر کسی خطرے کے منافع دیا جاتا ہے لیکن اس اسکیم میں پیسہ نہیں لگایا جاتا ہے۔
