راجن پور میں زائرین کی بس الٹ گئی، 5 افراد جاں بحق، 20 زخمی

راجن پور: صوبہ پنجاب کے شہر راجن پور میں ایک بس الٹنے سے پانچ افراد جاں بحق ہو گئے، افسوس ناک حادثے میں بیس افراد کے زخمی ہونے کی بھی اطلاع ہے۔

تفصیلات کے مطابق ضلع راجن پور کے علاقے فاضل پور میں انڈس ہائی وے پر زائرین کی ایک بس الٹ گئی، جس کے باعث 5 افراد جاں بحق اور 20 زخمی ہو گئے ہیں، زخمیوں کو ڈسٹرکٹ اسپتال منتقل کیا گیا ہے۔

ریسکیو ذرائع کے مطابق زائرین کی بس سخی سرور سے جیکب آباد سندھ آ رہی تھی کہ تیز رفتار کے باعث حادثہ پیش آ گیا۔ ذرائع کا کہنا ہے کہ تیز رفتار بس ڈرائیور سے بے قابو ہو کر الٹ گئی تھی، حادثے میں زخمی ہونے والے افراد میں کچھ کی حالت تشویش ناک بتائی جا رہی ہے۔

Comments