کراچی : ماہ رمضان میں شہر قائد کی سڑکوں اور محلّوں میں اکثر رات کے اوقات میں نوجوانوں کی ٹولیاں کرکٹ کھیلتے ہوئے دکھائی دیتی ہیں۔
وقت گزرنے کے سارتھ ساتھ نائٹ کرکٹ کا جنون صرف میں ہی نہیں لڑکیوں میں بھی پایا جاتا ہے یہی وجہ ہے کہ اب لڑکیوں نے بھی ماہ رمضان میں مکمل تیاری کے ساتھ نائٹ کرکٹ کھیلنا شروع کردی۔
اے آر وائی نیوز کے نمائندے علی حسن کی رپورٹ کے مطابق مقامی تنظیم کی جانب سے کراچی میں رمضان ویمنز نائٹ ٹیپ بال کرکٹ ٹورنامنٹ کا انعقاد کیا گیا جس میں لڑکیوں کی بڑی تعداد نے حصہ لیا۔
تنظیم کی عہدیدار حدیل عبید نے گفتگو کرتے ہوئے کہا کہ لوگ اس ایونٹ میں بڑھ چڑھ کر حصہ لے رہے ہیں اور فیملیز لڑکیوں کو بہت سپورٹ کررہی ہیں۔
اے آر وائےی نیوز سے گفتگو میں ان کا مزید کہنا تھا کہ ابھی تو ٹیپ بال سے آغاز کیا ہے امید ہے ہارڈ بال سے بھی رمضان کے ایونٹ کرائیں گے۔
