وزیر داخلہ رانا ثناءاللہ نے کہا ہے کہ قومی اسمبلی کی تحلیل میں کوئی ڈیڈلاک نہیں ہے، اسمبلی اپنی مقررہ مدت ختم ہونے سے دو دن پہلے تحلیل کردی جائے گی۔

نجی ٹی وی چینل سے گفتگو کرتے ہوئے انہوں نے کہا کہ یہ بات زیرغور ہے کہ نگراں وزیراعظم سیاست دان ہونا چاہیے۔

ان کا کہنا تھا کہ اگر اس بات کا فیصلہ ہوگیا تو وزیر خزانہ اسحاق ڈار یا ان جیسا کوئی بھی شخص نگراں وزیراعظم بن سکتا ہے۔

ایک سوال کے جواب میں وزیر داخلہ رانا ثناءاللہ نے بتایا کہ نواز شریف جلد وطن واپس آئیں گے۔ حفاظتی ضمانت لے کر عدالتوں میں پیش ہوں گے اور پھر تمام مقدمات سے بری ہوکر عملی سیاست میں حصہ لیں گے۔

Comments