وزیراعظم شہباز شریف کی دعوت پر تاجکستان کے صدر امام علی رحمن 2 روزہ دورے پر پاکستان پہنچ گئے ہیں، وفاقی وزیرتجارت سید نوید قمر نے معزز مہمان کا استقبال کیا۔
تفصیلات کے مطابق تاجکستان کےصدرکا وزیر اعظم ہاؤس میں پرتپاک استقبال کیا جائے گا، وہ وزیر اعظم ہاؤس میں گارڈ آف آنر کا معائنہ کریں گے۔
ذرائع کے مطابق تاجکستان اور پاکستان کے وفود کی سطح پر مذاکرات ہوں گے جبکہ شام کو وزیر اعظم ہاؤس میں معاہدوں پر دستخط کی تقریب منعقد ہوگی۔
وزیر اعظم شہبازشریف معزز مہمان اور وفد کے اعزاز میں عشائیہ دیں گے، عشائیہ میں وفاقی کابینہ کے ارکان اور تاجکستان کے وفد بھی شرکت کریں گے۔
Comments
- Advertisement -
