پاکستانی حجاج کرام کی واپسی آج سے شروع ہوگی

کراچی: سعودی عرب سے پاکستانی حجاج کرام کی واپسی آج سے شروع ہوگی۔

تفصیلات کے مطابق مناسک حج کی ادائیگی کے بعد حجاج کرام مکہ مکرمہ سے رخصت ہونے لگے ہیں، پاکستانی حجاج کرام کی واپسی آج سے شروع ہوگی۔

ترجمان وزارت مذہبی امور نے بتایا ہے کہ جدہ ایئر پورٹ سے پہلی 3 حج پروازوں کے ذریعے 693 حجاج کرام وطن واپس پہنچیں گے، پہلی حج پروازیں جدہ سے کراچی، فیصل آباد اور اسلام آباد پہنچیں گی۔

جدہ سے حج فلائٹ آپریشن 20 جولائی تک جاری رہے گا، حجاج کرام کی مکہ سے مدینہ روانگی کا آغاز 5 جولائی سے ہوگا، 38 ہزار حجاج کرام کو مدینہ منورہ بھجوایا جائے گا، اور مدینے سے آخری حج پرواز 2 اگست کو وطن واپس پہنچے گی۔

Comments