کراچی: محکمہ یونیورسٹی اینڈ بورڈ نے سندھ کے تعلیمی بورڈز کے لیے رولز تیار کر لیے۔
تفصیلات کے مطابق سندھ کے تعلیمی بورڈز کے لیے پہلی مرتبہ رولز کا ڈرافٹ تیار کر لیا گیا ہے، بورڈ رولز میں چیئرمین، ناظم امتحانات اور سیکریٹری بورڈ کی مدت ملازمت کا تعین کیا جائے گا۔
سندھ کے تعلیمی بورڈ میں چیئرمین، سیکریٹری اور ناظم امتحانات کی تقرریاں تاخیر کا شکار رہتی تھی، اور چیئرمین بورڈ کی تعیناتی کے لیے سرچ کمیٹی تشکیل دینی پڑتی تھی۔
محکمہ یونیورسٹی اینڈ بورڈ کی جانب سے ڈرافٹ محکمہ تعلیم حکومت سندھ کو فراہم کیا جائے گا، محکمہ تعلیم کی اسٹیئرنگ کمیٹی ان رولز کی منظوری دے گی۔
Comments
- Advertisement -
