دوحہ: پرتگال کے عالمی شہرت یافتہ اسٹار فٹ بالر کرسٹیانو رونالڈو نے 5 فیفا ورلڈ کپ میں اسکور کرنے کا منفرد اعزاز حاصل کرنے پر اپنا بیان جاری کر دیا۔
کرسٹیانو رونالڈو نے فیس بک پوسٹ میں لکھا کہ دنیا بھر کی 5 چیمپین شپ میں اسکور کرنا ایک ایسا کارنامہ ہے جس کے بارے میں، میں نے کبھی خواب میں بھی نہیں سوچا تھا۔
انہوں نے لکھا کہ منفرد اعزاز حاصل کرنا اس بات کا ثبوت ہے کہ دنیا میں کوئی چیز ناممکن نہیں ہے۔
پرتگال کے کپتان نے لکھا: ’ملک کی نمائندگی کرنے میں مجھے جو فخر محسوس ہوتا ہے وہ صرف اُس خوشی سے موازنہ ہے جو میں اپنے ملک کے لیے گول کرنے پر محسوس کرتا ہوں۔‘
یہ بھی پڑھیں: کرسٹیانو رونالڈو کے شائقین کے لیے بُری خبر
یاد رہے کہ کرسٹیانو رونالڈو نے گزشتہ روز گھانا کے خلاف میچ کھیل کر پانچ فیفا ورلڈ کپ میں کھیلنے اور گول اسکور کا اعزاز حاصل کیا۔
اسٹار فٹ بالر نے مجموعی طور پر پانچ ورلڈ کپ میں 18 میچ کھیلے اور 8 گول اسکور کیے۔