بگ باس کی فاتح روبینہ دلیک پر ہندو مخالف ٹوئٹ کرنے کے الزام میں سنگین دھمکیاں ملنے لگیں۔
بھارتی میڈیا رپورٹ کے مطابق بھارتی اداکارہ روبینہ دلیک نے سماجی رابطے کی ویب سائٹ پر لکھا تھا کہ کسی کو اس کی فکر ہے! دیوالی ختم ہوگئی، اب تو پٹاخے پھوڑنا بند کردو۔
انہوں نے مزید لکھا کہ 10 نومبر سے پٹاخے پھوڑے جارہے ہیں، اس وقت رات کے 3 بجے ہیں، اب تو بس کردو، ایک طرف ماحول آلودہ ہورہا ہے اور دوسری طرف یہ شور نیند کا دشمن بنا ہوا ہے۔
To whomsoever it may Concern!
Diwali is OVER, Stop bursting crackers 🙅🏻♀️….. since 10th November, non stop crackers are being burnt till 3am in the morning 😡……. ENOUGH NOW…. Air pollution toh hai hi …. Noise pollution is killing our sleeps …..— Rubina Dilaik (@RubiDilaik) November 15, 2023
ان کے اس ٹوئٹ پر بھارت کے انٹرنیٹ صارفین کی ایک بڑی تعداد نے اداکارہ کو تنقید کا نشانہ بنایا اور دیوالی کے موقع پر کی گئی اُن کی پوسٹ کو ہندو مخالف قرار دیا۔
اداکارہ نے اس کے بعد اسکرین شاٹ شیئر کیے، جس میں لوگ اُن سے پوسٹ ڈیلیٹ کرنے کا مطالبہ کررہے ہیں اور اسے دیوالی پر ہندو مخالف قرار دے رہے ہیں۔
Anti Hindu ??? Are you guys SERIOUSLY OUT OF YOUR MIND 🙄 pic.twitter.com/5Rqp9cHiRh
— Rubina Dilaik (@RubiDilaik) November 15, 2023
ایک شخص نے روبینہ دلیک سے کہا کہ وہ اپنی پوسٹ جتنی جلد ہو ڈیلیٹ کرے ورنہ اُس کے بائیکاٹ کی مہم شروع کردی جائے گی۔
اداکارہ نےدیوالی پر ہندو مخالف پیغام کا الزام لگانے والوں سے کہا کیا کہ کیا آپ واقعی بے دماغ ہیں؟، میرے انسٹاگرا م پر مت آئیں اور تبصرہ نہ کریں، یہ تعلیم نہیں، آپ سے زیادہ تہوار ہم لوگ مناتے ہیں لیکن دوسروں کو تکلیف نہیں دیتے۔
Diwali, is a festival of lights , celebration of Shree Ram returning to Ayodhya !Well, Ramayan mein bursting crackers for 10days was never mentioned , So all you Pseudo Hindu propaganda agents , Go and find someone ELSE to highlight your paid accounts and fake ids! Dare NoT✋🏼🛑 https://t.co/QJakYtN4ZE
— Rubina Dilaik (@RubiDilaik) November 15, 2023
روبینہ دلیک نے ایک اور ٹوئٹ میں کہا کہ ’’دیوالی، روشنی کا تہوار ہے، کہیں بھی 10 دن تک آتش بازی کا نہیں لکھا، اس لیے پروپیگنڈا کرنے والوں سے کہوں گی کہ وہ اپنے اصل یا جعلی اکاؤنٹس سے کسی اور متاثر کریں، مجھے نہیں‘‘۔
