سمندری طوفان نے روسی اور یوکرینی شہروں کو تہہ و بالا کر کے رکھ دیا ہے، روس کے سرکاری میڈیا اور یوکرین کی وزارت توانائی کے مطابق مختلف حادثات میں 4 افراد ہلاک ہو گئے ہیں۔
تفصیلات کے مطابق بحیرہ اسود کے علاقے میں آنے والے سمندری طوفان کی ہواؤں اور شدید سیلاب نے روس کے جنوب میں تقریباً 19 لاکھ افراد کو بجلی سے محروم کر دیا ہے، محکمہ موسمیات نے طوفان کو سونامی سے تشبیہ دے دی۔
اتوار کی رات اور پیر کی صبح طوفان سے اوڈیسا، میکولائیو اور کیف سمیت یوکرین کے 16 علاقوں میں 2 ہزار سے زائد قصبے اور دیہات شدید متاثر ہوئے ہیں، یوکرین کا کہنا ہے کہ طوفان کے بعد اس کے 2,019 دیہاتوں اور قصبوں میں بجلی نہیں ہے۔
روس یوکرین سرحد کے قریب شہر سوچی میں سمندری طوفان نے تباہی مچا دی ہے جہاں شہر کا بنیادی انفرا اسٹرکچر کو تباہ ہو گیا ہے، طوفان مالڈووا، جارجیا اور بلغاریہ کو بھی اپنی لپیٹ میں لے رہا ہے۔ روس کی وزارت توانائی کا کہنا ہے کہ سب سے زیادہ متاثر داغستان، کراسنودار اور روستوف کے ساتھ ساتھ یوکرین کے ڈونیٹسک، لوہانسک، کھیرسن، زپورئیزا اور کریمیا ہیں۔
Due to a storm in the Black Sea, the Belizean-flagged Blue Shark bulk carrier ran aground near Anapa (Russia). pic.twitter.com/uZuqImjkHD
— Slava (@Heroiam_Slava) November 27, 2023
A three-story building has collapsed in the Loo district of Sochi, Russia, amid a heavy storm in the region. No one was hurt in the incident as people evacuated the building in advance. pic.twitter.com/Y5XKvvttdi
— RT (@RT_com) November 28, 2023
طوفان کے باعث مختلف شہروں میں سڑکیں پانی میں ڈوب گئیں، درخت جڑوں سے اکھڑ گئے، بجلی کی تاریں ٹوٹ گئیں اور بجلی کے سب اسٹیشن فیل ہو گئے، جس سے علاقے کے تقریباً ڈیڑھ لاکھ گھر بجلی سے محروم ہوئے۔
Footage of a quite stunning flooding with giant waves caused by Storm Bettina and happened in Sochi, on the Black Sea, on November 27, 2023pic.twitter.com/DD8yNEtBYt
— Massimo (@Rainmaker1973) November 27, 2023
روس کی قومی موسمیاتی سروس کے سربراہ نے کہا کہ کریمیا میں آنے والا یہ طوفان ریکارڈ رکھے جانے کے آغاز کے بعد سے سب سے زیادہ طاقت ور تھا۔ یوکرین کے بندرگاہی شہر اوڈیسا میں اتوار کی رات پاور پلانٹ کی 110 میٹر (360 فٹ) چمنی بھی گر گئی، جس سے یوکرین کے بجلی کا انفرا اسٹرکچر مزید کمزور ہو گیا ہے۔
روس کی بحیرہ اسود کی بندرگاہ سوچی میں بڑی لہریں شہر کے ساحل سے ٹکراتی ہوئی دیکھی گئیں، فوٹیج بھی سامنے آئی ہے جس میں مبینہ طور پر 3 منزلہ عمارت کو منہدم ہوتے دکھایا گیا ہے۔ روس کے بحیرہ اسود کے ساحل پر واقع شہر انپا کے قریب 21 عملے کے ساتھ ایک کارگو جہاز بھی ساحل پر بہہ کر آ گیا۔
