The news is by your side.

Advertisement

یوکرین روس مذاکرات کے دوسرے دور میں اہم پیشرفت

منسک : یوکرین اور روس کے درمیان مذاکرات میں جنگ زدہ علاقوں سے شہریوں کے پُرامن انخلاء پر اتفاق کرلیا گیا۔

تفصیلات کے مطابق یوکرین اور روس کے درمیان مذاکرات کے دوسرے دور میں اہم پیش رفت ہوئی ، دونوں ممالک نے جنگ زدہ علاقوں سے شہریوں کے پُرامن انخلاء پر اتفاق کرلیا۔

روسی مذاکرات کار کہنا ہے کہ انسانی ہمدردری پر متاثرہ علاقوں سے شہریوں کے انخلا کے راستوں کو محفوظ رکھا جائے گا۔

یوکرینی مذاکرات کار نے کہا کہ روس کیساتھ جنگ بندی کے دوسرے دور کے مذاکرات میں وہ نتائج برآمد نہیں ہوئے، جس کی امید تھی۔۔ تاہم فریقین شہریوں کے انخلاء کیلئے انسانی ہمدردی کی بنیاد پر محفوظ راستے فراہم کرنے اور جنگ زدہ علاقوں میں ادویات اور خوراک کی فراہمی کے معاہدے پر متفق ہوگئے ہیں۔

یوکرین اور روس میں مذاکرات کا اگلا دور آئندہ ہفتے ہوگا۔

خیال رہے ماریو پول بندرگاہ اور دارالحکومت کیف روسی محاصرے میں ہے، روسی صدر پوتن کا کہنا ہے کہ مغرب کے روس مخالف بیانیے کو برباد کردیں گے۔

پیوٹن نے اپنے ایک بیان میں کہا تھا کہ یوکرین آپریشن منصوبے کے مطابق چل رہا ہے، یوکرین میں تمام اہداف حاصل کر لیے ہیں۔

Comments

یہ بھی پڑھیں