ماسکو : روسی اور یوکرینی افواج کے درمیان گھمسان کی جنگ جاری ہے، دونوں ممالک کے فوجی دونیستک کے محاذ پر ایک دوسرے کے مدمقابل ہیں۔
غیرملکی خبر رساں ادارے کی رپورٹ کے مطابق یوکرینی فوج دونیتسک کے علاقے میں اودی ویکاشہر کی سمت روسی ٹھکانوں پر ملٹی بیرل راکٹ لانچر سسٹم سے فائرنگ کر رہی ہے تاہم روسی افواج نے بھی مؤثر کارروائی کرتے ہوئے حملہ پسپا کردیا۔
اس علاقے میں مسلسل دھماکوں کی آوازیں سنائی دے رہی ہیں، علاقے میں ٹینک اور بکتر بند گاڑیاں بڑی تیزی سے حرکت کرتے ہوئے دکھائی دی رہی ہیں۔
روس کی وزارت دفاع کے مطابق گزشتہ ماہ روسی فوج نے صوبہ دونتسک میں یوکرینی فوج کا ایک بڑا حملہ ناکام بنا دیا تھا۔
واضح رہے کہ روس اور یوکرین کے درمیان فروری 2022 سے جنگ جاری ہے، دونیتسک کے علاقے میں روسی اور یوکرین کی فوجوں کے درمیان گھمسان کی جھڑپوں کا سلسلہ جاری ہے۔
یوکرین کی مسلح افواج کی 59 ویں موٹرائزڈ انفنٹری بریگیڈ اودی ویکا شہر کی سمت میں کارروائیاں کرتے ہوئے بھی فرنٹ لائن پر لڑنے والے فوجیوں کی مدد کر رہی ہے۔
فوج کی انٹیلی جنس کے کوآرڈینیٹ کے مطابق زیر بحث گروپ "گراڈ” ملٹی بیرل راکٹ لانچروں کے ساتھ روسی افواج کی پوزیشنوں پر فائرنگ کررہا ہے۔