site
stats
عالمی خبریں

شمالی کوریا کے حوالے سے امریکا کو تعاون کی کوئی یقین دہانی نہیں کرائی، روس

ماسکو : روس کے ترجمان نے کہا ہے کہ شمالی کوریا کے معاملے پر امریکا سے نکتہ نظر بیان کیا ہے لیکن ابھی روس اور امریکا کے درمیان کسی قسم کا معاہدہ یا اتحاد نہیں ہوا ہے.

ان کا خیالات کا اظہار روسی ترجمان دیمیتری پیسکوف نے ایک پریس کانفرنس کے دوران کیا جہاں میڈیا کو ہفتہ واری بریفنگ دی گئی اور روس کے صدر پوٹن کی امریکی ہم منصب کی ممکنہ ملاقات کے حوالے سے پالیسی بیان دیا.

روسی خبر رساں ادارے کے مطابق حکومتی ترجمان نے کا کہنا تھا کہ شمالی کوریا سے متعلق امریکا اور روس کے درمیان اپنے اپنے بیانیئے کا تبادلہ ضرور ہوا ہے تاہم اس حوالے سے مزید کوئی پیشرفت نہیں ہوئی ہے چنانچہ جو لوگ یہ سمجھتے ہیں کہ شمالی کوریا پر دونوں ممالک کے درمیان تعاون کا معاہدہ طے ہوا ہے وہ اپنے موقف پر نظر ثانی کریں.

روسی ترجمان پیسکوف نے امریکی و روسی صدور کی ملاقات کی بابت پوچھے گئے سوال کے جواب میں کہنا تھا کہ دونوں ممالک کے سربراہان کی ملاقات ایشیئن اکنامک فورم کے ہونے والے اجلاس میں ممکن ہو سکتی ہے تاہم اس کے بارے میں پہلے سے کچھ کہنا نامناسب رہے گا.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top