پاکستان ٹیلی وژن کی مقبول و معروف اداکارہ اور میزبان سعدیہ امام کا کہنا ہے کہ میری خوبصورتی میں میری امی کا بہت اہم کردار ہے اور میں بھی اپنی صحت کا پورا خیال رکھتی ہوں۔
اے آر وائی ڈیجیٹل کے پروگرام گڈ مارننگ پاکستان میں گفتگو کرتے ہوئے انہوں نے اپنے چہرے کی دلکشی اور بہت سے رازوں سے پردہ اٹھایا۔ اس موقع پر میزبان ندا یاسر کا کہنا تھا کہ سعدیہ کو بغیر میک بھی دیکھیں تو ایسی ہی لگتی ہیں ان کو فاؤنڈیشن کی بھی ضرورت نہیں پڑتی۔
سعدیہ امام نے بتایا کہ میری جلد شروع سے ہی اچھی ہے اس کی اہم وجہ یہ تھی کہ امی نے میرا بہت دھیان رکھا، انہوں نے مجھے بہت زیادہ کھلایا پلایا لیکن میں کھاتی کم تھی اور پیتی زیادہ تھی۔
اداکارہ کا کہنا تھا کہ میری والدہ شوگر کی مریضہ تھیں تو کسی بھی سبزی، پھل یا کڑوی چیز کا جوس بنایا جاتا تو امی سے پہلے میرا پینا بہت ضروری تھا کیونکہ امی بہت ضد کرتی تھیں کہ تم پیو پھر میں پیوں گی۔
اس کے علاوہ ہمارے گھر میں پھل اور سبزیاں بہت زیادہ کھائے جاتے ہیں حتیٰ کہ میں جب کوئی پھل کھاتی ہوں تو اس کا چھلکا بھی اپنے چہرے رگڑ کر پھینکتی ہوں۔