پاکستانی شوبز انڈسٹری کی معروف اداکارہ سارہ خان نے اپنی بیٹی عالیانہ خان کو نماز سکھانے کی خوبصورت ویڈیو شیئر کی ہے۔
پاکستان کی معروف اداکارہ سارہ خان کا کا شمار ان اداکاراؤں میں ہوتا ہے جو اپنی فیملی کو وقت دیتی ہیں، تاہم اب اداکارہ سارہ اپنی بیٹی عالیانہ کو نماز پڑھنا سکھا رہی ہیں۔
فوٹو اینڈ شیئرنگ ایپ انسٹاگرام پر سارہ خان نے ویڈیو شیئر کی ہے، ویڈیو میں دیکھا جاسکتا ہے کہ ننھی عالیانہ نماز کے انداز میں دوپٹہ باندھے ہیں جبکہ پاس ہی ان کی چھوٹی سی اسپیشل جائے نماز رکھی ہے۔
View this post on Instagram
عالیانہ نماز پڑھنے جائے نماز پر جاتی ہیں تو پیچھے سے سارہ کی آواز آتی ہے کہ صحیح طرح کھڑی ہو، جبکہ عالیانہ ہنستے ہوئے ماں سے کچھ کہتی ہیں۔
یہ ویڈیو سوشل میڈیا پر تیزی سے وائرل ہورہی ہے اور صارفین اسے بہت زیادہ پسند کررہے ہیں، اس پوسٹ کو چند گھنٹوں میں ہزاروں سے زائد لائکس مل چکے ہیں جبکہ ان کے مداحوں کی جانب سے انہیں ڈھیر ساری دعائیں بھی مل رہی ہیں۔
View this post on Instagram
ڈراموں میں لوگوں کو اپنی معصومیت اور اداکاری سے دیوانہ بنانے والی اداکارہ سارہ خان نے 16 جولائی 2020 میں گلوکار فلک شبیر سے لاہور میں شادی کی تھی، 8 اکتوبر 2021 کو اللہ نے انہیں بیٹی کی نعمت سے نوازا۔
واضح رہے کہ سارہ خان، شوہر فلک شبیر اور بیٹی عالیانہ فلک کے ساتھ اکثر تصاویر شیئر کرتی رہتی ہیں جسے ان کے مداح بھی پسند کرتے ہیں۔
