جدہ :سعودی عرب کی قومی ایئرلائن ’’السعودیہ‘‘ ایئرلائنز نے اپنی نئی شناختی علامت کی نقاب کشائی کردی۔
تفصیلات کے مطابق سعودی عرب کی قومی فضائی کمپنی السعودیہ نے اپنی نئے لوگو کی جدہ میں منعقدہ ایک تقریب کے دوران رونمائی کی۔
السعودیہ کے 1980 کی دہائی کے برانڈ ڈیزائن کو معمولی اپ ڈیٹس کے ساتھ واپس لایا گیا ہے، سعودی ایئر لائنز کا نیا لوگو 1980 کی دہائی میں اس کی شناخت سے متاثر ہے۔
لوگو میں صارفین کے لیے مزید بہتر پیکجز پیش کرنے کے ساتھ ساتھ جدید دور کے تقاضوں کو مدنظر رکھتے ہوئے سروسز میں مصنوعی ذہانت کے استعمال کو فروغ دیا گیا ہے۔
سعودی ذرائع ابلاغ کی رپورٹ کے مطابق سعودیہ ایئرلائن کی جانب سے نئے لوگو کے اجراء کے ساتھ ہی ڈیجیٹل تبدیلیاں بھی کی گئی ہیں جس میں ورچوئل اسسٹنٹ ’السعودیہ‘ کا اضافہ قابل ذکر ہے جس کے تحت ایئر لائن اپنے صارفین کو بکنگ و دیگر امور کی انجام دہی کے لیے تحریری اور صوتی چیٹ کی سہولت فراہم کی گئی ہے۔
علاوہ ازیں ڈیجیٹل والٹ کی سہولت بھی فراہم کی گئی ہے جس کے تحت سرکاری اور عوامی سیکٹر کو ٹکٹ کے اجرا کے حوالے سے بہتر خدمت فراہم کی گئی ہے۔
حفاوة وترحيب بإطلالة جديدة وأنيقة من طاقمنا الجوّي ✨#السعودية_لنا_جونا pic.twitter.com/h2l4Oiwswa
— السعودية (@Saudi_Airlines) September 30, 2023
اس کے ساتھ ہی الفرسان پروگرام کے تمام آپریشنز اور فیچرز کو بھی ڈیجیٹل طور پر فعال کیا گیا ہے۔
ایئر لائن نے اپنے فضائی میزبانوں اورعملے کے یونیفارمز میں بھی تبدیلی کی ہے جس سے مملکت کی شناخت بھی نمایاں ہوتی ہے۔
مسافروں کا استقبال اعلٰی معیار کی کھجو ر اورعربی قہوے سے کیا جاتا ہے۔ ایئرلائن کے کچن میں سعودی عرب کا مینو شامل کر دیا گیا تاکہ ارض وطن کی درست معنوں میں عکاسی ہو سکے۔
السعودیہ کی نئی کلر اسکیم میں تین رنگوں کا امتزاج رکھا گیا ہے جس میں سبز رنگ مملکت کے پرچم کی عکاسی کرتا ہے جبکہ کھجور کا درخت جو مملکت کی مہمان نوازی اورثقافت کا آئنہ دار اورنیلا رنگ مملکت کے سمندر اور آسمانی سے عبارت ہے۔
السعودیہ گروپ کے ڈائریکٹرجنرل انجینئرابراہیم العمر نے بتایا ’ایئرلائن نئے دور کے تقاضوں کومد نظررکھتے ہوئے بہتری کے سفر پر تیزی سے گامزن ہے۔‘
ایئرلائن نے اپنے سفر کا آغاز ایک جہاز سے کیا تھا اور اب اس کے بیٹرے میں 140 جہاز ہیں جو چار براعظموں کے ایک سو سے زائد اسٹیشنز پرخدمات انجام دیتے ہیں۔
انہوں نے مزید کہا ایئرلائن کا نام ’السعودیہ‘ اوراس کا لوگو مملکت میں ایئرلائن کی تاریخ کی عکاسی کرتا ہے۔
