ریاض: سعودی کابینہ نے تجارتی اداروں کو بڑی خوشخبری سنادی۔
عرب میڈیا کی رپورٹ کے مطابق سعودی فرمانروا شاہ سلمان بن عبدالعزیز کی زیر صدارت کابینہ اجلاس ہوا جس میں ملکی اور بین الاقوامی امور سے متعلق اہم فیصلے کیے گئے۔
کابینہ اجلاس میں خطے کو درپیش تازہ ترین صورتحال پر غور کیا اور اس بات کا اعادہ کیا گیا کہ سعودی عرب غزہ میں انسانی بحران کے خاتمے پر زور دیتا ہے۔
اجلاس میں کہا گیا کہ سعودی عرب مکمل جنگ بندی کے ساتھ اسرائیلی افواج کے انخلا اور رہائشیوں کے لیے انسانی امداد کی فراہمی کو یقینی بنانے کا مطالبہ کرتا ہے۔
کابینہ نے مالک سمیت 9 افراد پر مشتمل تجارتی اداروں کو تین سال کے لیے مقابل المالی فیس سے استثنیٰ دے دیا جبکہ وزارت کھیل اور وزارت تعلیم کی تنظیمی گائیڈ لائن کی بھی منظوری دی گئی۔
علاوہ ازیں سعودی کابینہ نے یوم تاسیس پر مملکت کی تین صدیوں پر محیط تاریخ پر فخر کا اظہار کیا۔
