قومی ٹیم کے نائب کپتان شاداب خان کا شادی سے قبل لیا گیا انٹرویو کلپ پی سی بی کی جانب سے شیئر کردیا گیا ہے۔
آل راؤنڈر شاداب خان نے کہا کہ ’شادی پر بہت زیادہ پرجوش ہیں سب کچھ اتنا جلدی ہوا کہ کچھ پتا نہیں چلا میں تو آسٹریلیا جانے والا تھا لیکن فلائٹ کینسل ہوگئی بالکل فلموں جیسا سین ہوا تھا۔‘
انہوں نے کہا کہ جلدی جلدی منگنی ہوگئی سب کچھ دس دن میں ہوگیا مجھے خود بھی پتا نہیں چلا لیکن الحمد للہ کافی اچھا رہا۔‘
شاداب خان نے کہا کہ ’پی ایس ایل سے پہلے ویسے بھی شادی ہوچکی ہوگی تو بہت زیادہ خوش ہوں۔‘
میزبان نے شاداب سے سوال کیا کہ ’آپ کو یہ احساس ہے کہ آپ کے اعلان نے کتنے ہزاروں دل توڑ دیے ہیں؟‘
قومی کرکٹر نے کہا کہ ’جی بالکل ہے لیکن جو دل کل ٹوٹنے تھے وہ آج ٹوٹ گئے یہ تو ہونا ہی تھا، حارث اور میرا کوئی شادی کا پلان نہیں تھا ہاں شاہین اور شان مسعود کی شادی کا طے تھا لیکن حارث انجرڈ ہوا تو اس نے نکاح کرنے کا فیصلہ کیا میری شادی بھی اچانک ہی ہورہی ہے۔‘
شاداب خان نے مزید کہا کہ ’شادی ہوگی تو اس کے بعد پرفارمنس پر بات ہوگی ابھی تک تو ثقلین مشتاق کے ساتھ سسر والا سین نہیں ہے کوچ والا ہی ہے ڈانٹ بھی پڑتی رہتی ہے۔‘
ثقلین مشتاق کو کیا کہہ کر پکارے گے کے جواب میں انہوں نے کہا کہ ’ابا‘ نہیں ہوں گے ثقی بھائی ہی ہوں گے۔
واضح رہے کہ شاداب خان سابق ہیڈ کوچ ثقلین مشتاق کی صاحبزادی کے ساتھ رشتہ ازدواج میں منسلک ہوئے ان کے ولیمے کی تقریب آج اسلام آباد میں منعقد کی گئی جس میں قومی کرکٹرز نے شرکت کی تھی۔
