اسلام آباد: وائس چیئرمیں پاکستان تحریک انصاف شاہ محمود قریشی نے کہا ہے کہ کل فضل الرحمان پریس کانفرنس کی اور ن لیگ سے نالاں نظر آئے۔
اے آر وائی نیوز کے مطابق اسلام آباد میں عدالت کے باہر میڈیا سے گفتگو کرتے ہوئے سابق وفاقی وزیر شاہ محمود قریشی نے کہا کہ مولانا فضل الرحمان نے پاکستان مسلم لیگ ن کی قیادت سے گلا کیا ہے، پی دی ایم کے اندر اعتماد کی فضا ابر آلود ہوگئی ہے۔
دبئی میں زرداری نواز ملاقات پر مولانا فضل الرحمان نے اعتراض اٹھا دیا
انہوں نے کہا کہ پی ڈی ایم کوئی الیکٹورل الائنس نہیں ہے، ن لیگ اور پیپلز پارٹی کے سیاسی راستے جدا ہونگے جس کے بعد ایک نئی دلچسپ سیاست جنم لے رہی ہے۔
سانق وزیر خارجہ نے کہا کہ پاکستان کی خاطر آئی ایم ایف کو سپورٹ کیا، انہوں نے کہا کہ کھیل میں سیاست کو نہیں لانا چاہیے، دنیا کی نظرین کرکٹ ورلڈ کپ پر ہے پاکستان کو اس میں شریک ہونا چاہیے۔
شاہ محمود قریشی نے اپنے کیس کے حوالے سے گفتگو میں کہا کہ عدالت کو بتایا اس کیس میں شامل تفتیش ہوگئ ہیں،عدالت نے 18 تاریخ دی اور پراسیکیوشن کو رپورٹ جمع کرانے کا کہا ہے۔
