بھارتی اداکار شاہ رخ خان نے انڈین کرکٹ ٹیم کے سابق کپتان ویرات کوہلی سے اپنے رشتے کے متعلق مداحوں کو بتایا۔
بھارتی اداکار شاہ رخ خان نے سابقہ ٹوئٹر ایکس پلیٹ فارم پر سوال جواب کا ایک سیشن رکھا جس میں اُنہوں نے مداحوں کے دلچسپ سوالات کے جوابات دیئے۔
شاہ رخ خان کے مداح کی جانب سے ان سے سوال کیا گیا سر آپ ویرات کوہلی سے متعلق کچھ بات کریں، کیونکہ کچھ جنگی پوسٹیں دیکھنے کو مل رہی ہیں۔
I love @imVkohli he is like my own and I pray always for his well being….bhai damaad jaisa hai humaara!!! https://t.co/SYB4sRPIqo
— Shah Rukh Khan (@iamsrk) September 27, 2023
شاہ رخ خان نے جواب میں کہا کہ‘مجھے کوہلی سے بہت پیار ہے، وہ میرا اپنا ہے اور میں ان کی کامیابی اور خوشی کے لیے ہمیشہ دعاگو رہتا ہوں۔ انہوں نے کہا کہ ویرات کوہلی میرے ”داماد“جیسا ہے۔
یاد رہے کہ ماضی میں بھارتی اداکار شاہ رخ خان نے اسکرین پر بھارتی سپر اسٹار ویرات کوہلی کا کردار ادا کرنے کی خواہش کا اظہار بھی کیا تھا۔