بھارتی کرکٹ ٹیم کے سابق آل راؤنڈر عرفان پٹھان نے ننھے بیٹے کی ویڈیو شیئر کی جس میں جھومے جو پٹھان گانے پر جھوم رہے تھے۔
سماجی رابطے کی ویب سائٹ ٹوئٹر پر سابق کرکٹر عرفان پٹھان نے بیٹے کی ویڈیو شیئر کرتے ہوئے کیپشن میں لکھا کہ شاہ رخ خان کے مداحوں کی فہرست میں ایک اور اضافہ ہوگیا ہے۔
عرفان پٹھان کے بیٹے کی ویڈیو کو ناصرف سوشل میڈیا صارفین نے پسند کیا بلکہ اس پر شاہ رخ خان بھی جواب دیے بنا نہ رہ سکے۔
شاہ رخ خان نے ویڈیو پر لکھا کہ ’یہ تم سے زیادہ باصلاحیت نکلا، چھوٹا پٹھان۔‘
Yeh tumse zyaada talented nikla….chota Pathaan https://t.co/gK0rumQC5a
— Shah Rukh Khan (@iamsrk) March 22, 2023
واضح رہے کہ کنگ خان کی بلاک بسٹر فلم پٹھان کی کامیابی کے بعد اسے 22 مارچ سے پرائم ویڈیو کے پلیٹ فارم پر اسٹریم کیا گیا۔
ویڈیو میں دیکھا جاسکتا ہے کہ بالی وڈ کنگ مداحوں کے ساتھ فلم کی ریلیز کے اعلان کیلئے مختلف طریقے سے اپناتے ہیں۔
ویڈیو کے آخر میں شاہ رخ خان اپنے ایبس اور مسلز کو کھینچتے ہیں اور مداحوں کو اپنے خاص اسٹائل میں ریلیز کی خبر دیتے ہیں۔
کنگ خان کی ویڈیو پوسٹ ہوتے ہیں سوشل میڈیا پر وائرل ہوگئی ہے اور مداح اس پر خوشی اور مسرت کا اظہار کررہے ہیں۔