بالی وڈ کے شاہ رخ خان، سلمان خان اور عامر خان کو ایک ساتھ انوپم کھیر نے اپنی ہدایت کاری میں بننے والی فلم کے لیے رابطہ کیا تھا لیکن ایک شرط کے بنا پر تینوں نے کام کرنے سے انکار کردیا۔
بالی وڈ کے 3 خانز کا ایک ساتھ فلم میں اداکاری کرنا بہت سے فلمسازوں کا خواب رہا ہے، جہاں ہم نے شاہ رخ خان اور سلمان خان کو کرن ارجن میں اداکاری کرتے ہوئے دیکھا ہے وہی عامر خان اور سلمان خان فلم ’’انداز اپنا اپنا‘‘ میں نظر آئے، اس کے بعد ایک دوسرے کی فلموں میں ان کے کیمیوز بھی ہیں۔
تاہم تینوں نے ابھی تک ایک ساتھ فلم میں کام نہیں کیا ہے۔ لیکن کیا آپ جانتے ہیں کہ انوپم کھیر نے ان تینوں خانوں سے ایک بار اپنی فلم میں کام کرنے کے لیے رابطہ کیا تھا؟
بھارت کی میڈیا رپورٹ کے مطابق بالی وڈ کے شاہ رخ خان، سلمان خان اور عامر خان کو انوپم کھیر نے اپنی ہدایت کاری میں بننے والی فلم اوم جئے جگدیش کے لیے رابطہ کیا تھا، ہدایت کار چاہتے تھے کہ فلم میں 3 خان مرکزی کردار ادا کریں۔
اس فلم اداکار و ہدایت کار انوپم کھیر نے سلمان، شاہ رخ اور عامر کے ساتھ، فلم میں مرکزی اداکارہ کا کردار ادا کرنے کے لیے رانی مکھرجی، پریتی زنٹا اور کاجول سے بھی رابطہ کیا تھا لیکن تینوں خانز نے ایک فلم کے لیے ایک ساتھ آنے سے انکار کر دیا تھا۔
بعد میں انوپم کھیر یش راج فلمز کے پاس گئے اور ان سے فلم کی حمایت کرنے کو کہا، لیکن پش راج نے ایک شرط رکھی اور کہا کہ اگر تینوں خان اوم جئے جگدیش کے لیے تین بھائیوں کا کردار ادا کرنے کے لیے اکٹھے ہونے پر راضی ہو جائیں تو وہ اس فلم میں خرچ کرنے کے لیے تیار ہیں۔
تاہم تمام چھ اداکاروں نے تاریخ کے مسائل کا حوالہ دیتے ہوئے پیشکش کو مسترد کر دیا، اس کے فوراً بعد جب انوپم کھیر نے بھی فلم نہ بنانے کا فیصلہ کیا لیکن بھارت پروڈیوسر واشو بھگنانی نے بغیر کسی شرط کے اوم جئے جگدیش بنانے کا فیصلہ کیا۔
2002 میں ریلیز ہونے والی فلم اوم جئے جگدیش میں انیل کپور، ابھیشیک بچن، اور فردین خان کو مرکزی کرداروں میں دیکھا گیا جب کہ ماہیما چوہدری، ارمیلا ماتونڈکر، اور تارا شرما نے انوپم کھیر کی ہدایت کاری میں اہم کردار ادا کیا۔
اگرچہ یہ فلم باکس آفس پر شائقین کو اپنی طرف متوجہ کرنے میں ناکام رہا لیکن یہ فلم اب بھی بہت سے لوگوں کو یاد ہے۔
