بھارتی فلم انڈسٹری کے بادشاہ شاہ رخ خان فارسی بولنے لگے لیکن یہ کسی فلم کی تیاری نہیں بلکہ اپنی فرنچائز کولکتہ نائٹ رائیڈر کے افغان اسٹار سے گفتگو ہے۔
شاہ رخ خان کی انڈین پریمریئر لیگ میں اپنی فرنچائز کولکتہ نائٹ رائیڈرز میں شامل افغان اسٹار رحمان اللہ گرباز سے فارسی میں بات چیت کی ویڈیو سوشل میڈیا پر وائرل ہو رہی ہے جس میں کنگ خان ان سے اپنی حالیہ فلم ’’پٹھان‘‘ کے بارے میں گفتگو کر رہے ہیں۔
شاہ رخ خان جو ہر سال آئی پی ایل میچز کے دوران اپنی ٹیم کی حوصلہ افزائی کے لیے گراؤنڈ میں آتے ہیں اس بار بھی اپنی روایت کو نبھا رہے ہیں۔ گزشتہ روز بنگلور سے میچ میں کامیابی پر انھوں نے ڈریسنگ روم میں جا کر پلیئرز اور کوچز سے گپ شپ بھی لگائی۔
کھلاڑیوں سے ملاقات کے دوران جب وہ افغان کرکٹر گرباز کے پاس گئے تو ان سے فارسی میں حال میں دنیا بھر میں کامیابی کے ریکارڈ بنانے والی اپنی فلم پٹھان کے بارے میں گفتگو کی۔
The #KingOfBoliwod @iamsrk talks #Pashto and #Dari with our #Star @RGurbaz_21 in the @IPL
Weldone #Gurbaz keep your good work.
Thank you #Pathan for your kind words and love with #Afghanistan.#AfghanAtalan #CricketTwitter #ShahRukhKhan #SRK pic.twitter.com/Ad7namgtHV
— Afghan Atalan (@AfghanAtalan1) April 9, 2023
واضح رہے کہ افغان اوپنر گرباز نے شاہ رخ سے ملنے کی خواہش کا اظہار کیا تھا جس پر فلم اسٹار نے انھیں گلے لگا لیا تھا۔
شاہ رخ کی یہ دلچسپ ویڈیو سوشل میڈیا پر وائرل ہونے کے بعد صارفین کی بڑی تعداد نے اس ویڈیو کو سراہا اور پسندیدگی کا اظہار کیا ہے۔