پاکستان تحریک انصاف کے رہنما شہباز گل لاہور سروسز اسپتال کے وی وی آئی پی وارڈ سے اچانک غائب ہوگئے۔
اے آر وائی نیوز کے مطابق رجسٹرار میڈیکل یونٹ ٹو ڈاکٹر نعمان نے شہباز گل کی گمشدگی سے متعلق ایم ایس کو مراسلہ لکھ کر آگاہ کر دیا۔
مراسلہ میں بتایا گیا ہے کہ شہباز گل کے میڈیکل چیک اپ کے لیے ان کے کمرے میں پہنچے تو وہ غائب تھے، کمرے سے اسپتال کی فائل اور ضروری ریکارڈ بھی غائب تھا۔
ایم ایس کو مزید بتایا گیا کہ شہباز گل اسپتال کو بتائے بغیر چلے گئے۔
دوسری جانب پی ٹی آئی کی رکن پنجاب اسمبلی جمشید مسرت چیمہ نے شہباز گل کے اسپتال سے غائب ہونے کی تردید کر دی۔
انہوں نے ملائیکرو بلاگنگ سائٹ ٹوئٹر پر پوسٹ کی کہ شہباز گل ابھی بھی سروسز اسپتال میں زیرِ علاج ہیں، گزشتہ روز کچھ دیر کے لیے وہ پرائیویٹ آرتھوپیڈک کے پاس چیک اپ کے لیے گئےتھے، ان کے غائب ہونے کی خبریں بے بنیاد ہیں۔
ڈاکٹر شہباز گل ابھی بھی سروسز ہسپتال میں زیر علاج ہیں. گزشتہ روز کچھ دیر کے لیے وہ پرائیویٹ آرتھوپیڈک کے پاس چیک اپ کے لیے گئے. ڈاکٹر شہباز گل کے حوالے سے چلنے والی خبریں بے بنیاد ہیں.
— Musarrat Cheema (@MusarratCheema) December 24, 2022
حسن حفیظ ایک نوجوان صحافی ہیں اور اے آر وائی نیوز لاہور کے لئے صحت، تعلیم اور ایوی ایشن سے متعلق خبریں رپورٹ کرتے ہیں
