نیوزی لینڈ کے خلاف تیسرے ٹی ٹوئٹنی میں قومی جارح مزاج بیٹر افتخار احمد کی دھواں دھار اننگ پر سابق کپتان شاہد آفریدی نے دلچسپ ٹوئٹ کیا ہے۔
اے آر وائی نیوز کے مطابق نیوزی لینڈ کے خلاف گزشتہ روز تیسرا ٹی ٹوئنٹی میچ مہمان کیوی ٹیم نے جیت لیا لیکن قومی ٹیم کے جارح مزاج مڈل آرڈر بلے باز افتخار احمد نے صرف 24 گیندوں پر 60 رنز کی دھواں دھار اننگ کھیل کر ہر خاص وعام کو اپنا مداح بنا لیا۔
سابق کپتان اور اپنے جارحانہ بلے بازی کی وجہ سے دنیا بھر میں بوم بوم کے نام سے مشہور شاہد آفریدی بھی افتخار احمد کی اس اننگ کی تعریف کیے بغیر نہ رہ سکے اور ان کی مدتوں یاد رہنے والی اس اننگ پر سماجی رابطوں کی ویب سائٹ پر زبردست خراج تحسین پیش کیا۔
شاہد آفریدی نے اپنے ٹویٹ میں لکھا کہ ’’افتخار احمد آپ میرے لیے چاچا نہیں بلکہ ’بوم بوم‘ ہیں۔ میری خواہش تھی کہ آپ میچ جتوا کر اننگ کو یادگار بناتے۔
انہوں نے اپنے ٹویٹ میں مزید کہا کہ قومی ٹیم نے میچ میں مجموعی طور پر اچھا کھیلا۔ یہ سب سے زیادہ اچھی کرکٹ تھی جس سے فینز نے خوب لطف اٹھایا۔
شاہد آفریدی نے اپنے پیغام میں نیوزی لینڈ کا بھی شکریہ ادا کیا اور لکھا کہ بیلک کیپس پاکستان آنے کے لیےآپ کا شکریہ۔
You are not chacha for me @IftiAhmed221 you are boom boom but I wish that you had finished the match and make yourselves a memorable inning. Overall well played, it was good cricket over all, the fans enjoyed. Well done @TheRealPCB and thank you for coming @BLACKCAPS to 🇵🇰
— Shahid Afridi (@SAfridiOfficial) April 17, 2023
