ممبئی: بالی ووڈ اداکار شاہد کپور نے کہا ہے کہ فلم انڈسٹری میں باہر والوں کو آسانی سے قبول نہیں کیا جاتا، لوگوں کو اس طرح سے تنگ کرنے سے مجھے نفرت ہے۔
بالی ووڈ انڈسٹری میں کئی ہٹ فلموں میں اداکاری کے جوہر دکھانے والے اداکار شاہد کپور نے معروف اداکارہ نیہا دھوپیا کے شو (نو فلٹر نیہا) میں شرکت کی، جہاں انہوں نے گفتگو کے دوران بالی ووڈ نگری پر کڑی تنقید کی ہے۔
شاہد کپور نے کہا کہ مجھے اندسٹری میں کیمپ کلچر بالکل پسند نہیں، لوگوں کو اشتراک کی اجازت ہونا چاہیے کہ وہ جسے چاہیں رکھیں، یہ نہیں ہونا چاہیے کہ آپ لوگوں کی توہین کریں یا انہیں نیچا دکھائیں۔
کس کامیاب فلم کے بعد اچھے کردار نہیں ملے؟ شاہد کپور نے بتا دیا
بالی ووڈ میں کیمپوں پر کڑی تنقید کرتے ہوئے انہوں نے کہا کہ فلم انڈسٹری میں باہر والوں کو آسانی سے قبول نہیں کیا جاتا، لوگوں کو اس طرح سے تنگ کرنے سے مجھے نفرت ہے۔
ہوسٹ نیہا نے اداکار سے سوال کیا کہ ’کیا آپ کبھی کسی کیمپ کا حصہ نہیں رہے‘، اس پر شاہد نے کہا کہ میرے اندر یہ صلاحیت ہی نہیں کہ میں کسی کیمپ کا حصہ بنوں۔
شاہد کپور نے اپنے بچپن کا ذکر کرتے ہوئے کہا کہ میں دہلی سے تعلق رکھتا ہوں، جب وہ ممبئی آیا تو مجھے کلاس میں قبول نہیں کیا گیا کیونکہ میں باہر والا تھا میرا لہجہ دہلی والا تھا تو میرے ساتھ بہت عرصے تک بدسلوکی کی گئی۔
