بالی وڈ کے معروف اداکار شاہد کپور کی فلم ویوا کو ریلیز ہوئے 17 سال گزر گئے، اداکار نے بتایا کہ انہیں اس فلم میں اداکاری کرتے ہوئے کئی مشکلات کا سامنا کرنا پڑا۔
سنہ 2006 میں ریلیز ہونے والی فلم ’ویوا‘ میں اداکار شاہد کپور، امریتا راؤ اور بالی ڈ کے دیگر سینئر اداکار و اداکارہ شامل تھے۔
تاہم اداکار شاہد کپور نے ایک حالیہ انٹرویو میں فلم ویوا کے ہدایت کار سورج بھرجاتیا کے تعاون کے بارے میں بات کی، انہوں نے کہا کہ اُس دوران ہدایتکار جس طرح کی یہ فلم بنانے کی کوشش کررہے تھے میں اس سے بلکل بے خبر تھا۔
شاہد کپور نے کہا کہ’ سیٹ پر میں آدھا وقت صرف یہ سوچتا رہتا تھا کہ میں کیا کررہا ہوں، کیوں کررہا ہوں، کیسے کررہا ہوں، میں ایک بڑے شہر کا ایک چھوٹا بچہ تھا مجھے آدھی چیزیں سمجھ ہی نہیں آتیں تھی۔
کس مشہور گانے میں شاہد کپور ’بیک گراؤنڈ ڈانسر‘ تھے؟
’ لیکن میں ہدایت کار سورج بھرجاتیا کی بہت عزت کرتا تھا، انہوں نے مجھے جو بھی ہدایت دی میں اس پر عمل کرتا گیا، میں نے ان سے کہا کہ آپ مجھے بتائیں کہ مجھے کرنا کیا ہے میں کرلوں گا، وہ مجھے کہتے تھے شاہد مجھ پر بھروسہ کرو تو میں نے ان پر بھروسہ کرتے ہوئے پوری ایمانداری کے ساتھ اپنا کام کیا‘۔
شاہد کپور نے کہا کہ جب 2006 میں ویوا ریلیز ہوئی تو یہ فلم اس وقت کے دھرما اور یش راج کی فلموں سے بلکل الٹ تھی، ہدایت کار سورج بھرجاتیا جانتے تھے کہ یہ ایک "انتہائی قدامت پسند فلم” ہے جسے بنیادی آڈینس کو مدِنظر رکھتے ہوئے بنایا گیا تھا۔
