بالی ووڈ کے بادشاہ شاہ رخ خان نے اعتراف کیا ہے کہ وہ ہالی ووڈ فلم سیریز جیمز بانڈ کا مرکزی کردار نہیں نبھا سکتے۔
دبئی میں ہونے والے ڈبلیو جی ایس کے 11ویں ایڈیشن کی تقریب منعقد ہوئی جہاں بالی ووڈ کے سپر اسٹار شاہ رخ خان نے شرکت کی۔
View this post on Instagram
شاہ رخ خان نے اپنی دلچسپ انداز میں شرکاء سے گفتگو کرتے ہوئے مزاق میں کہا کہ میں جیمز بانڈ کا کردار نبھانے کا خواہشمند ہوں۔
انہوں نے کہا کہ مجھ سے ایک بار پوچھا گیا تو میں نے مزاقاً کہا ’میں جیمز بانڈ ہوں‘، تب مجھ سے پوچھا گیا ’کیا میں جیمز بانڈ کا کردار ادا کرنا چاہتا ہوں؟‘ تو میں نے کہا کہ میرا قد چھوٹا ہے لیکن میں گندمی رنگ کا ہوں تو فلم میں بدمعاش (ولن) کا کردار تو نبھا ہی سکتا ہوں۔
بانڈ فلم سیریز میں ڈینئل کریگ سے لے کر پیئر بروسنن تک سب ہی نے جاسوس کا مرکزی کردار خوب ادا کیا۔
اس سے قبل شاہ رخ خان کو 2008ء کی مشہور فلم سلم ڈاگ ملینیئرکا وہ کردار آفر ہوا تھا لیکن انہوں نے منع کردیا، جسے بعد ازاں انیل کپور نے ادا کیا اور اس فلم نے 2009ء میں 10 آسکر ایوارڈ اپنے نام کیے۔